Аргентинскиот фудбалски стручњак Херардо Мартино од денеска е нов тренер на шпанскиот шампион Барселона.
Тој доаѓа на местото на Тито Виланова кој во петокот се повлече поради здравствени проблеми.
Новиот предводник на каталонскиот тим во својата тренерска кариера работел во аргентински и парагвајски клубови, а со репрезентацијата на Парагвај се пласира на Светското првенство 2010 година кое се одржа во Јужна Африка и на кое Парагвајците стигнаа до четвртфиналето што за нив е најголем успех на Мундијалите.
50-годишниот Мартино со Барселона потпиша двегодишен договор.