Екипите на Манчестер Сити и Реал Мадрид вечерва ќе го играат првиот натпревар од полуфиналето во фудбалската Лига на шампиони.
За Манчестер ова е прво полуфинале во Лигата на шампионите, откако претходните две сезони беше елиминиран од Барселона во два наврати во осминафиналната рунда.
Реал пак, ќе го игра 32-от меч во полуфиналната рунда во елитното натпреварување. На изминатите шест во низа настапи во полуфиналето Реал успеа да ја мине оваа фаза пред две сезони, поразувајќи го минхенски Баерн, за подоцна во финалето да го совлада градскиот ривал Атлетико и да ја освои шампионската титула.
Досега овие два тима одиграа само два меѓусебни дуели и тоа во групната фаза од Лигата на шампоионите во сезоната 2012/2013 година.
На првиот во Мадрид, Реал иако губеше со 1:2 во 85-минута, сепак со головите на Бензема и Роналдо, популарните „Кралеви“ стигнаа до победа од 3:2. На возвратниот во Манчестер, немаше победник, а натпреварот заврши 1:1.
Вечерашниот дуел меѓу Манчестер Сити и Реал Мадрид ќе започне од 20 часот и 45 минути, термини во кој утре својата прва пресметка од полуфиналето ќе ја имаат Атлетико Мадрид и Баерн Минхен.