Македонскиот интернационален судија Александар Ставрев ќе ја дели правдата на мечот помеѓу Јувентус и Нордсјиланд.
Уште едно големо признание за македонскиот интернационален судија Александар Ставрев. Откако одлично ја заврши својата работа на мечот БАТЕ Борисов – Баерн Минхен, македонскиот арбитар повторно доби можност да ја дели правдата на натпревар од Лигата на шампионите.
Ставрев ќе биде главен на мечот помеѓу Јувентус и Нордсјиланд, дуел кој ќе се одигра во Торино на 7-ми ноември, односно во среда. Асистенти на овој меч ќе бидат нашите судии Марјан Кировски и Дејан Костадинов, а четврти судија ќе биде Душко Милошевски. Зад головите ќе бидат Димитар Мечкаровски и Горан Спиркоски.