Фудбалерите на Мајорка ќе се обидат во последните две кола од Примера да го избегнат испаѓањето. Тие синоќа на последниот натпревар од 36.круг пред своите навивачи го победија Бетис со 1:0.
Стрелец на единствениот гол беше Томер Хемед во 21.минута.
Со новите три бодови, Мајорка се искачи на 19.место со 32 бода, а сега последна е Селта со 31 бод. Пред овие две екипи се наоѓа Сарагоса со 34 бодови.
Во пресрет на одигрување на 37 и 38.коло надвор од зоната за испаѓање се Депортиво Ла Коруња со 35 бодови и Осасуна со 36.
Бетис по синоќешниот пораз остана на 7.место со 52 бода и значително си ги намали шансите за пласман во Лига Европа, бидејќи конкурентот Малага има два бода повеќе.