Фудбалерот на Реал Мадрид, Лука Мадриќ верува дека може да постигне успех во клубот и покрај тоа што до сега не доби вистинска шанса.
Модриќ во крајот на август од Тотенхем, премина во шпанскиот клуб за 33 милиони фунти, и од тогаш обично седи на клупата за резервни играчи.
-Знам дека имам поддршка од соиграчите и тренерот и затоа не се вознемирувам. Навивачите ќе бидат задоволни, бидејќи ќе му помогнам на Реал да оствари добри резултати – изјави Модриќ.
Хрватскиот репрезентативец додаде дека дава се од себе, за да се поправат работите.
-Не сакам да го оценувам досегашниот учинок, сигурно е дека не сум среќен. Во некои натпревати покажав зошто сум овде, но исто така во некои одиграв слабо – додава 27-годишниот фудбалер.
Модриќ до сега одигра 18 натпревари а постигна само еден гол.
Тој кариерата ја започна во 2003 година во Динамо од Загреб, а играше и во Зрињски и Запрешиќ, а од 2008 година помина во Тотенхем.
За репрезентацијата на Хрватска одигра 63 натпревари и постигна осум голови.