Два натпревара од осминафиналето во фудбалската Лига на шампиони се играат вечерва во стандардниот термин од 20 часот и 45 минути. Во Лондон кај Арсенал гостува бранителот на трофејот Барселона, додека италијанскиот првак Јувентус е домаќни на Баерн Минхен.
Последните први осминафинални средби на програмата се утревечер. Играат: Динамо Киев – Манчестер Сити и ПСВ Ајндховен – Атлетико Мадрид.
Голем исчекор кон четвртфиналето веќе направија Реал Мадрид со гостинската победа над Рома од 2:0 и Волфсбург кој славеше на тернот на Гент со 3:2.
Минимална предност по првите мечеви имаат Бенфика со Зенит 1:0 и ПСЖ во пресметката со Челзи по победата во Париз со 2:1.