Манчестер Јунајтед или Реал Мадрид вечерва ќе завршат со настапите во Лигата на шампионите. Нивниот дуел кој на „Олд Трафорд“ ќе започне во 20 часот и 45 минути ќе го даде одговорот кој од овие два европски фудбалски великани ќе обезбеди четвртфинале.
На првиот натпревар во Мадрид беше 1:1, па домаќинот поради гол постигнат на гости влегува во реваншот со мала предност, но Реал на тој дуел беше подобар и создаде повеќе шанси за гол.
Двете екипи во домашните првенства викендот забележаа победа, Реал над Барселона, Манчестер против Норвич, во средби во кои неколкумина фудбалери добија поштеди од тренерите за поподготвени и поодморени да влезат во вечерашниот спектакл.
Во составот на Манчестер ќе отсуствува Фил Џонс кој се повреди на натпреварот против Рединг во ФА Купот, но затоа најавено е враќање во екипата на Рио Фердинанд кој беше болен.
Тренерот на Реал Мадрид, Жозе Мурињо нема поголеми проблеми околу составувањето на тимот, а во него го вклучи и Икер Касиљас, но сепак голманот на шпанската репрезентација сеуште не е подготвен за настап, тако што Диего Лопез ќе продолжи да брани на голот на кралевите.