Пресреќен сум поради четирите голови, но да почекаме да влеземе во финалето па потоа да се радуваме. Се уште не може да се каже дека работата е завршена. Сепак за противник го имаме Реал Мадрид кого не можеме да го отпишеме пред реваншот, иако имаме одличен резултат. Тие одиграа добро прво полувреме, а ние второ, истакна Роберт Леванодвски.
Полскиот интернационалец во редвите на Борусија стана четвртиот играч во историјата кој на Реал му дал четири голови на еден натпревар.
Претходно тоа им успеало на Жосеп Самитиер (1926 година како играч на Барселона), Еулохио Мартинез (1957, Барселона) и Диего Милито (2006 Реал Сарагоса).
Во Лигата на шампионите освен Левандовски по четири погодоци на еден натпревар уште имаат постигнато: Марио Гомез, Бафетимби Гомиз, Лионел Меси, Андриј Шевченко, Руд ван Нистерлој, Дадо Пршо, Симоне Инзаги и Марко ван Бастен.