Кошаркарите на Црвена Звезда изборија пласман во финалето на АБА лигата откако синоќа во натпреварот број 4 од полуфиналето го победија големиот ривал Партизан со 81:73. Црвена Звезда водството на овој дуел го презеде во финишот на првиот дел и успеа да го одржи до крајот на натпреварот.
Со овој триумф „црвено-белите“ полуфиналето го добија со 3-1 во победи, а воедно со пласманот во финалето обезбедија учество следната сезона во Евролигата.
Во второто полуфинале во драматична завршница во Загреб Цедевита го совлада Будуќност 88:85 и успеа да изедначи на 2-2 во добиени натпревари и со тоа да се избори за мајстрока.
Петтиот натпревар ќе се игра в среда во Подгорица.