Екипата на Кордоба по пауза од скоро половина век повторно ќе игра во најквалитетната фудбалска лига во Шпанија. Ова е епилогот по двомечот со Лас Палмас за влез во Примера Дивизија.
Откако на првиот натпревар на домашен терен Кордоба одигра 0:0, во реваншот кај Лас Палмас беше 1:1 доволно за голема радост на гостинските фудбалери.
Апоно во 48.минута го доведе Лас Палмас во водство, изедначи Улисес Давиља во 90.минута. По изедначувањето поголема група навивачи влегоа на теренот и натпреварот десетина минути беше во прекин.
Претходно, место во Примера обезбедија Еибар и Депортиво Ла Коруња.