НБА Ол-Стар викендот ќе се одржи во Торонто во средината на Февруари идната година, а досегашниот исход од гласањето го става ветеранот Коби Брајант на првото место.
Тој доби околу 720 илјади гласови до сега. Играчот на Лејкерс би се нашол по 18. пат во тимот за овој ревијален натпревар, а бидејќи оваа сезона баш и не блескаше, гласовите веројатно ги доби поради фактот што го најави своето повлекување на крајот од сезоната.
Стеф Кари во моментов е на второто место со околу 510 илјади гласови, додека Леброн Џејмс е трет со 358 илјади гласа.