Украинскиот боксер, Владимир Кличко ќе ги брани четирите титули во тешка категорија против италијанскиот боксер, Франческо Пјанета. Мечот ќе се оддржи на 4-ти мај во Манхајм, Германија .
Пјанета минатата година му беше спаринг партнер на Кличко кој е сопственик на титулите во ИБФ, ИБО, ВБО и ВБА верзијата. Следниот предизвикувач на Кличко е непоразен, и има 28 победи и едно реми.
Боксерите си разменија по некој збор со почит окн противникот, но и со закани. Украинецот наведе дека го почитува Пјанета поради неговата младоста и борбениот дух, додека предизвикувачот, полн самодоверба, наведува дека ќе го нокаутира Кличко и на тој начин ќе направи нешто што никогаш го немало во светот на боксот.
Владимир Кличко во кариерата има 59 победи и 3 порази. Последен пат ја одбрани титулата во ноември минатата година против Полјакот Маријуш Вах.