Украинскиот боксер Виталиј Кличко сеуште не може да потврди дали повторно ќе го видиме во рингот или ќе ја заврши боксерската кариера. 41-годишнот Украинец за тамошните медиуми изјави дека одлуката за неговата спортска иднина ќе ја соопшти на прес-конференција.
– Во последно време многу луѓе, не само од областа на спортот, туку и од други сфери меѓу кои и политичари се интересираат дали Виталиј повторно ќе боксува. Јас само ќе кажам дека наскоро ќе организирам посебна прес-конференција на која ќе ви ја соопштам и образложам мојата одлука, истакнува Кличко.
Тој додава дека во моментов со сигурност може да се каже дека неговата иднина на спортски план не е дефинирана.
– Едно нешто околу името Кличко повразано со боксот можам да кажам. Кличко ќе биде во рингот сигурно, но кој од двајцата браќа ќе слушнеме во иднина. Може да бидат и двајцата браќа, но може и само едниот, помладиот, истакна Виталиј.
Владимир Кличко е четири години помлад од Виталиј, а двајцата имаат освоено многу светски титули во разните боксерски верзии.