Фудбалерот на Реал Мадрид, Кристијано Роналдо доби неверојатна понуда од Кина „тешка“ 300 милиони евра, само за трансфер и повеќе од 100 милиони евра годишна плата, откри денеска неговиот менаџер Жорж Мендеш.
Тој додаде дека Роналдо отфрлил можност да се префрли во неименуван кинески клуб со што за речиси петпати повеќе би се надминал рекордот во заработувачка, а за трипати само за висина на трансфер.
– Парите не се се. Реал Мадрид е клуб за цел живот. Кристијано е среќен во Реал и трансфер во Кина е невозможен. Кинезите може да купат многу играчи, но не и најдобриот во историјата. Сепак, на нив е да се обидат, изјави Мендеш за Скај.
Роналдо минатиот месец потпиша нов договор со Реал до 2021 година со годишна заработувачка од околу 25 милиони евра.