Тренерот на Еспањол, Кике Санчез Флорес, по синоќешниот пораз од Барселона, искажа пофални зборови за ѕвездата на противникот.
– Меси е играч кој внесува убавина во фудбалот. Тој може да го смени текот на секој натпревар. Ако сака може да постигне хет-трик на секој дуел. Тој никогаш не се жали, не лежи без потреба на теренот, никогаш не се буни, изјави Флорес кој беше посочен од шпанските медиуми дека по натпреварот тргнал кон Меси да му го бара дресот.
Му честитав на неговата скромност. Не знам веќе колку имам негови дресови. Мојот син е фан на Барселона и секогаш ми го бара дресот на Меси, откри тренерот на Еспањол.
Барселона синоќа во градското дерби го совлада Еспањол со 4:1.Меси беше стрелец на четвртиот гол.