Катар планира за време на Светското првенство во 2022 година, околу 12.000 навивачи да смести на бродови, објавија катарските туристички власти (QTA).
Идејата за „пловни хотели“ првично беше одбиена пред две години.
– QTA ќе обезбедат најмалку 6.000 соби на бродови во текот на Мундијалот, се вели во соопштението.
Светската фудбалска федерација (ФИФА) претходно соопшти дека Катар мора да се обезбеди простор за 60.000 навивачи за време на Светското првенство.
На последното СП одржано минатата година во Бразил регистрирани беа околу еден милион навивачи од странство.