Во анкетата која претседателот на Реал Мадрид, Флорентино Перез ја спровел меѓу фудбалерите на „кралскиот клуб“, дури 15 од нив се изјасниле дека сакаат тренерот Жозе Мурињо да го напушти клубот.
Според шпанските медиуми двајца од 15.те „противници“ на Мурињо сигурно се Икер Касиљас и Серхио Рамос.
Неволјата за Перез е уште поголема, поради изјавите на петмина играчи дека се подготвени да си одат од Реал доколку Мурињо и следната сезона биде на тренерското место во клубот со кој годинава игра полуфинале во Лигата на шампионите, но ја загуби титулата во шпанското првенство.
Медиумите шпекулираат со сигурно заминување на Португалецот од кормилото на Реал, а вакви информации во текот на денешниот ден има се повеќе како резултат на високиот пораз синоќа од Борусија во Дортмунд со 4:1.