Голманот на Реал Мадрид, Икер Касиљас денес ќе започне да тренира, прв пат од кога ја скрши левата дланка пред околу два месеци.
Касиљас се повреди на 24. јануари, а ќе се врати на време за да може да брани за две недели во првиот натпревар од четвртфиналето од Лигата на шампионите против Галатасарај.
Во шпанското првенство, Реал Мадрид има 13 бодови помалку од водечката Барселона, но ќе игра во финалето од Купот на кралот на 17. мај против Атлетико Мадрид.