Се поверојатно е дека Икер Касиљас ќе замине од Реал Мадрид, откако и на мечот со Гранада кој Реал го доби со 1:0, тој му беше резерва на Диего Лопез.
Првиот голман на шпанската репрезентација, местото во стартниот тим го загуби минатата сезона кога тренер на Реал беше Жозе Мурињо, а работите не се сменија ниту по доаѓањето на Карло Анчелоти.
Очигледно дека Португалецот не бил причината што Касиљас седи на клупата за резерви, последен пат тој бил стартер во тимот на Реал пред седум месеци.
Касиљас, со оглед на ситуацијата во која се наоѓа, ќе се реши да го напушти клубот, бидејќи следната година ќе се одржува светското првенство, а доколку не биде стартер во клубот извесно е дека ќе го загуби местото во стартниот состав на Шпанија.