Мартин Касерес нема да потпише за Милан, како што претходно објавија повеќето италијански медиуми, туку тој замина во Лондон.
Уругвајскиот дефанзивец, иако ги мина лекарските прегледи и се очекуваше деновиве да биде претставен како нов член на Милан, сепак, поранешен играч на Барселона, Виљареал и Јувентус, ја одбил понудата на „росонерите“ .
Според информациите кои доаѓаат од Англија, 29-годишниот Касерес наместо во италијанската Серија А, кариерата најверојатно ќе ја продолжи во Премиер лигата.
Англиските медиуми утринава пишуваа дека Уругваецот преговара со Саутемптон, за конечно попладнево „Скај Спорт“ да излезе со информацијата дека Саутемптон и Касерес постигнале договор за неговиот ангажман, притоа не откривајќи детали од договорот.
Откако минатото лето му истече договорот со Јувентус, веќе половина година Касерес е без ангажман. Со својот последен клуб Јувентус тој освои три шампионски титули во Италија и двапати се радуваше на трофејот но купот на Италија.