Италијанскиот фудбалски стручњак Фабио Капело изјави дека многу тешко некоја екипа ќе се справи со Барселона кога во составот ќе го има аргентинско – бразилскиот тандем, Меси – Нејмар.
– Нејмар е играч со единствен квалитет, поседува брзина, техника, шутира подеднакво добро со двете нозе и знае секогаш да ја најде најдобрата позиција. Тој заедно со Меси ќе бидат постојана опасност по противничките голмани. Барселона има напад способен за постигнување погодоци во секој момент, а тоа е многу важно ако целта е освојување трофеи во сите натпреварувања, потенцира Италијанецот.
Капело во својата тренерска кариера, во шпанската Примера во два наврати го водел Реал Мадрид (1996-97 и 2006-07). Во летниот преоден рок голем интерес за негов ангажман покажа францускиот шампион ПСЖ, но не беше постигнат договор.
Во моментов Италијанецот е селектор на Русија.