Екипата на Јувентус го совлада Манчестер Сити минимално со погодокот на Марио Манџукиќ во дербито на синоќешните дуели од 5.коло во фудбалската Лига на шампиони.
Изненадување на вечерта е нерешениот исход на средбата Манчестер Јунајтед – ПСВ Ајндховен по што неизвесно е поминувањето на англискиот „великан“ во следната фаза.
По одигрувањето на осумте дуели од претпоследното коло, бројот на екипи со обезбедено учество во нокаут рундата е девет.
На коло до крајот на групната фаза осминафиналисти во ЛШ се: Реал Мадрид, ПСЖ, Атлетико Мадрид, Бенфика, Јувентус, Манчестер Сити, Барселона, Баерн Минхен и Зенит.
Резултати и табели од вчера одиграните натпревари во Лигата на шампиони:
А група: Малме – Париз Сен Жермен 0:5 и Шахтјор Доњецк – Реал Мадрид 3:4.
Табела: Реал Мадрид 13 бодови, Пари Сен Жермен 10, Шахтјор Доњецк 3 и Малме 3.
Б група: ЦСКА Москва – Волфсбург 0:2 и Манчестер Јунајтед – ПСВ Ајндховен 0:0.
Табела: Волфсбург 9 бодови, Манчестер Јунајтед 8, ПСВ Ајндховен 7 и ЦСКА Москва 4.
Ц група: Астана – Бенфика 2:2 и Атлетико Мадрид – Галатасарај 2:0.
Табела: Атлетико Мадрид 10 бодови, Бенфика 10, Галатасарај 4 и Астана 3.
Д група: Борусија Менхенгладбах – Севиља 4:2 и Јувентус – Манчестер Сити 1:0.
Табела: Јувентус 11 бодови, Манчестер Сити 9, Борусија Менхенгладбах 5 и Севиља 3.
Последното коло од групната фаза на програмата е на 8 и 9 декември.