Актуелниот италијански и актуелниот англиски шампион изборија пласман во најдобрите осум победувајќи ги екипите на Порто и Севиља.
Тимот на Јувентус со вкупни 3-0 беше поуспешен од Порто. Италијанците во првиот натпревар славеа со 0-2 во Португалија, за вечерва без голем притиок издвојат победа од минимални 1-0 на домашен терен. Стрелец на единствениот погодок беше Дибала од пенал во 42. минута.
Англискиот шампион Лестер успеа да ја надохнади негативата од 2-1 од првиот натпревар против Севиља, победувајќи со 2-0 денеска. Стрелци на головите за Лестер беа Морган и Албригтон.
Јувентус и Лестер се приклучуваат на Баерн Минхен, Реал Мадрид, Барселона и Борусија Дортмунд кои што изборија пласман во четвртфиналето минатата недела.
Утре се играат последните два натпревари од осминафиналната фаза каде што тимот на Атлетико Мадрид на свој терен ќе ја брани гостинската предност од 4-2 против Леверкузен, а Монако го пречекува тимот на Манчестер Сити. Во првиот натпревар од овој дуел Сити славеше со 5-3.
Ждрепката за четвртфиналните парови ќе се одржи во петок во 12 часот.