Најдобриот млад европски фудбалер, шпанскиот репрезентативец Иско од следната сезона ќе биде член на Реал Мадрид, јавија шпанските медиуми.
Според овие информации Иско се договорил со „кралскиот клуб“ кој ќе плати 30 милиони евра обештетување на малага, досегашниот клуб на Иско.
Се очекува овој трансефер да се официјализира на почетокот на следната недела.
Интерес за ангажирање на 21-годишниот квалитетен фудбалер покажуваа и Челзи и Манчестер Сити.
Иско кариерата ја почна во младинскиот тим на Валенсија во 2006 година, а три години подоцна беше член и на сениорскиот тим од „Местаља“. Во 2011 година премина во Малага каде се уште е актуелен член.