Менаџерот на Челзи, Гус Хидинк и покрај поразот од 2:1 на синоќа одиграниот меч против ПСЖ во Лигата на шампионите, верува дека неговиот тим има реални шанси да ја мине осминафиналната рунда.
– Да, загубивме. Имаме негатива од еден гол, но не заборавајте постигнавме гол на гости, што е многу важно, изјави Хидинк по натпреварот.
Иако во поголемиот дел од мечот француската екипа ја имаше иницијативата сепак, предводникот на Челзи смета дека неговата екипа одиграла добро.
– Малку сум разочаран затоа што загубивме, а игравме навистина добро против тим кој е составен од одлични фудбалери. Уште сме во игра за пласман во наредната фаза. Во двомеч најважно е да дадеш гол на гости, а ние тоа го сторивме. Ако победиме на „Стемфорд бриџ“ и не примиме гол ќе бидам презадоволен, додаде Хидинк.
Реваншот меѓу овие две екипи е закажан за 9 март во Лондон.