Кристијано Роналдо продолжува со ефикасноста во дресот на Реал Мадрид. Тој синоќа во победата од 5:0 против Атлетик Билбао постигна три погодоци и со вкупно 13 гола во шесте дуели сезонава има просек повеќе од два по натпревар.
За Португалецот ова беше 22. хет-трик во Примера со што го изедначи рекордот на Зара и Ди Стефано.
Во 7.коло од Шпанското фудбалско првенство прв пораз забележа Селта, а на другите два неделни дуели победи за домашните екипи.
Постигнати резултати: Реал Мадрид – Атлетик Билбао 5:0, Еспањол – Сосиедад 2:0, Селта Виго – Виљареал 1:3, Севиља – Депортиво Ла Коруња 4:1, Малага – Гранада 2:1, Алмерија – Елче 2:2, Еибар – Леванте 3:3, Рајо Ваљекано – Барселона 0:2, Валенсија – Атлетико Мадрид 3:1 и Хетафе – Кордоба 1:1.
Табела: Барселона 19 бода, Валенсија 17, Севиља 16, Реал Мадрид 15, Атлетико Мадрид 14, Селта Виго 12.