Со технички нок-аут во петтата рунда Дејвид Хеј го победи Дерик Чисора во боксерскиот дуел познат како „Битката за Британија“.
На рингот поставен на стадионот на Вест Хем „Аптон Парк“ во Лондон, двајцата боксери од тешка категорија до петтата рунда прикажаа атрактивна борба со многу удари, а на крајот поуспешен беше Хеј кој влезе во серија на удари кои неговиот противник не можеше да ги издржи и беше соборен по вторпат.
Чисора сакаше да го продолжи мечот, но судијата процени дека тоа моше да биде опасно за него и ја прекина борбата.
За Чисора ова беше прв меч во неговите 18 професионални на кој е „испратен“ на подот.
Синоќешниот дуел не беше лиценциран од ниту една боксерска верзија, туку беше резултат на тепачката меѓу овие двајца боксери на прес-конференцијата во Минхен по поразот на Чисора од Виталиј Кличко.