Третиот играч во светот го совлада 81. на АТП листата со резултат 3-1 во сетови (6:3, 3:6, 6:3, 6:4), по два часа и 27 минути игра.
Ѓоковиќ го победи Квон и во вториот нивен меѓусебен меч, по оној во Белград лани, а во следното коло ќе игра против подобриот од дуелот Кокинакис – Мајхсак.
Новак до триумфот дојде со многу повеќе мака од очекуваното против играчот кој не е познат по особено добрата игра на тревата.
Квон му направи најмногу проблеми на српскиот ас во вториот сет, кој го доби, и во првиот дел од третиот сет, кога пропушти шанса дополнително да ги искомплицира работите.
Сепак, Ѓоковиќ, иако видно незадоволен од неочекуваните тешкотии, успеа да остане смирен, да направи навреме брејк во третиот сет и да избегне дополнителни проблеми. Четвртиот сет беше решен релативно рутински.