Во полуфиналето од фудбалската лига на шампионите ќе играат Баерн Минхен – Барселона и Борусија Дортмунд – Реал Мадрид.
Ове е епилогот по денешната жрепка одржана во швајцарскиот град Нион каде се наоѓа седиштето на Европската фудбалска асоцијација (УЕФА).
Првите полуфинални средби се закажани за 23 и 24 април, додека реваншите ќе се играат на 30 април и на 1 мај.
Големото финале ќе се одигра во Лондон на „Вембли“ на 25 мај.
Претходно од страна на прославениот холандски голгетер Руд Ван Нистерлој, беа извлечени и полуфиналните двојки во Лига Европа.
Во полуфиналето на ЛЕ ќе играат: Фенербахче – Бенфика и Базел Челзи.
Првите натпревари од полуфиналната фаза во ЛЕ ќе се играат на 25 април, а реваншите се закажани за 2 мај.
Финалето на сезоната 2012/13 во второто по квалитет европско клупско фудбалско првенство ќе се одигра на 15 мај во Амстердам, Холандија.