Лав со шлем, како оној на војниците од фалангата на Александар Македонски, е симболот на новата навивачка група „Верна фаланга“, која планира да внесе космополитски дух на трибините кога ќе игра репрезентацијата на Македонија, објави Плусинфо.
Навивачката група денеска ја доживеа својата промоција. Реквизити и своја навивачка песна сè уште не смислиле, па на промотивниот прес не можевме да ги слушнеме како пеат. Љубителите на спортот во Македонија што се расположени да платат 900 денари, а тие во странство 25 евра ќе станаат нивни членови, а зачленувањето почнува отсега натаму.
Новите навивачи се отворени за членови од 7 до 107 години, а на спортските натпревари гледаат како забава за целото семејство.