Пехарот за освоениот Куп во кошарка пристигна на Боемска улица. Вљубениците во кошарката и во најтрофејниот клуб „Работнички“, кошаркарите, навивачката група „City Park Boys“, градоначалникот на општина Центар, Андреј Жерновски и управата на клубот, вчера го прославија 9. освоен Куп во кошарка.
„Радоста и гордоста е особено голема, бидејќи „Работнички“ се врати во елитата, по неколку годишните проблеми. „Работнички“ во моментов е на првото место на табелата. Цел на момците од Градски парк е годинава да се освои 15-тата шампионска титула“, се вели во соопштението на општина Центар.
