Ford најави минатиот месец дека заминува од WRC, но FIA одлучи да ја поедностави процедурата за хомологација, па присуство на фабрички тим за целта не е задолжително, па така овој чекор значи дека веќе и Ford Fiesta RS WRC и Mini Cooper WRC можат да се развиваат без ограничувања, а M-Sport и Prodrive добиваат шанса да останат во највисока конкуренција во рели-спортот.
Неодамна беше и објавено дека инвеститори од Катар се заинтересирани за соработка со M-Sport.
Во последните две години тие активно развиваат неколку програми за учество на Насер Ал-Атија, во рели шампионатот, вклучувајќи го и Дакар, како и рели првенствата на Блискиот Исток.
По проблемите меѓу Атија и шефот на Citroen, идната неговата соработка со M-Sport чини сосема логична.
Веќе постои официјална порака за создавање на нов тим – Qatar M-Sport World Rally Team. Тоа ќе биде фактички новиот фабрички тим на Ford, само под приватно знаме. Тимот ќе има целосна сезона во WRC во 2013 со два-три екипажи, a како број три ќе биде оној на Насер Ал Атија. Во плановите на овој ти се седум старта, вклучувајќи го и во релито во Шведска.