Македонскиот боксер Фатлум Жута е прогласен за најдобар на 42.то издание од Меѓународниот боксерски турнир „Златен Гонг“ кој изминативе два дена се одржа во Радовиш и во Скопје. Трофејот на Жута по завршувањето на денешните борби во Спортскиот Центар „Борис Трајковски“ во Скопје, му го додели директорот на Агенцијата за млади и спорт, Лазар Поповски.
За најдобар техничар беше прогласен Стефан Иванов од Бугарија, за најдобар странски боксер беше прогласен Давид Берна од Унгарија, за најдобар македонски боксер Сашо Лескароски, за најдобар судија Петар Неделковски од Македонија, за најдобар тренер Истван Туру и за најборбен пар во финалето Радослав Пантелеев од Бугарија и Кристијан Демај од Албанија.