Цеск Фабрегас одлучи да не ја напушта Барселона со што ги разочара навивачите на Манчестер Јунајтед кои очекуваа негова преселба на „Олд Трафорд“.
Како што пишуваат шпанските медиуми клучен потег за ваквиот расплет околу иднината на Фабрегас е доаѓањето на Херардо Мартино на клупата на каталонскиот тим и очекувањето да се избори за место во првиот состав кај новиот тренер.
Деновиве медиумите во Шпанија и во Англија информираа за третата последователна понуда на Манчестер до шпанскиот шампион висока 35 милиони евра за трансфер на Цеск.
26-годишниот Фабрегас сениорската кариера ја почна во Арсенал каде настапуваше од 2003 до 2011 година, по што следуваше преселба на „Камп Ноу“. За Барселона има одиграно 60 натпревари и постигнато 20 голови.
Од 2002 година член е на најмладата шпанска репрезентација и потоа игра за сите категории се до сениорската.