Фудбалерот на Барселона, Цеск Фабрегас потврди дека нема намера да го напушти својот клуб, иако англискиот шампион Манчестер Јунајтед има сериозни намери да го донесе на „Олд Трафорд’’.
– Ништо не се смени, среќен сум во Барселона. Ниту во еден момент не сум помислил на заминување, рече Фабрегас на прес-конференција одржана во Куала Лумпур, за време на азиската турнеја на шпанскиот гигант.
Фабрегас притоа откри и дека не побарал нов договор со својот клуб.
– Секако дека ми годи кога некој голем клуб ќе пројави желба да ме ангажира. Разговарав со функционерите на клубот (Барселона) и со новот тренер Мартин. Секој од нив ми стави на знаење дека сакаат да останам во Барселона. Исто така, не е точно дека барав нов договор, посочи Фабрегас.