Насилните навивачки инциденти, кои вчера се случија на натпреварите од белгиското првенство Бершот – Антверпен и Стандард Лиеж – Шарлерој наидоа на остра осуда во јавноста, а Белгиската фудбалска федерација (РФБА) ги опиша како „глетки на војна“
– Мажи со качулки влегоа на теренот. Ова беа воени сцени и сликите се шокантни“, објави РФБА по повод инцидентите на дуелот меѓу Стандард и Шарлерој.
Натпреварот беше прекинат во 88 минута, откако голем број димни бомби беа фрлени од трибините, а неколку десетици навивачи на домашниот тим упаднаа на теренот.
Претходно во неделата инциденти го одбележаа и градското дерби меѓу Бершот и Антверпен, откако навивач на гостинскиот тим го претрча целиот терен и фрли бенгалски факел кон трибината на која беа сместени навивачи на противничката екипа.
РФБА соопшти дека насилникот е „обвинет за обид за убиство и предизвикување пожар“.
– Оганот предизвикан од запален бенгалски факел достигнува температура во радиус од 1.500 до 2.000 степени и предизвикува трајни опекотини и оштетувања на слухот, објасни РФБА, повикувајќи ги клубовите да спроведат политика на нулта толеранција во однос нÐ ° употребата пиротехнички средства на стадионите.