Новиот тренер на Барселона Луис Енрике итно е опериран поради воспаление на слепото црево, соопштија од каталонскиот фудбалски клуб.
– Операцијата помина успешно и очекуваме Енрике да заздрави следните неколку дена, се вели во соопштението од Барселона.
Од таму додаваат дека нивниот нов тренер морал веднаш да биде ставен под медицинска интервенција поради опасноста од компликации доколку дошло до пукање на слепото црево.
Енрике на тренерската позиција на Каталонците беше назначен на 19 мај како наследник на Херардо Мартино.
Во текот на професионалното играње фудбал Луис Енрике осум години беше член на Барселона, а има работено и како тренер три сезони на Б тимот од „Камп Ноу“.