Елиф Елмас и дарко Велковски беа стартери во меѓусебната клупска пресметка во Лигата на Европа, а славеа „наполитанците“ со 1-2. Се исполни и пораката на Елмас дека ќе го победи тимот на Велковски.
Елмас играше до 59.минута кога на негово место во игра влезе Фабијан Руиз, а Дарко Велковски одигра цел меч за Ријека во групата Ф. Роберт Муриќ го изненади Наполи во 13.минута со погодок, но Диего Деме израмни, а Филип Браит си постигна автогол во 62.минута од мечот.
Реал Сосиедад го совлада АЗ Алкмар со 1-0, со погодокот на Порту во 58.минута.
Тотенхем го совлада Лудогорец во Бугарија со 1-3. Хари Кејн и Лукаш донесоа водство од 0-2 за англискиот тим, Кешеру намали, но Џовани Ло Селсо ги разреши дилемите.
Рома со 5-0 го декласира Клуж на „Олимпико“. Мхитарјан, Ибањез и Борха Мајорал обезбедија преднопст од три гола до полувремето, а во вториот дел уште еднаш погоди Борха Мајорал за Педро да ја затвори серијата голови.
Бенфика и Глазгов Ренџерс одиграа 3-3, додека Баер Леверкузен славеше на гости во Израел против Хапоел Бер Шева со 2-4.