Јулија Ефимова од Русија постави нов светски рекорд на 50 метри градно, на Светското првенство за водени спортови што се одржува во Барселона, откако на претпладневните квалификации исплива 29 секунди и 78 стотинки, подобрувајќи го за две стотинки најдобриот планетарен резултат стар четири години од мундијалот во Рим, што беше сопственост на Џесика Харди.
Во Олимпискиот комплекс „Пала Сан Жорди“ Американката пливаше во истата квалификациска група со 21 годиншната Ефимова и го освои второто место.
На СП во Барселона ова беше четврти светски рекорд.