Екипите на Бетис и на Севиља синоќа одиграа ефикасен натпревар со нерешен резултат 3:3, во градското дерби кое беше во рамките на 31. коло од Примера Дивизија.
Гостинскиот тим водеше со 3:0 со двата гола на Иван Ракитиќ (7 и 19. минута) и погодокот на Негредо (33). Бетис преку Дорлан Пабон (43) до крајот на првото полувреме намали на 3:1.
Рубен Кастро од пенал ја врати резултатската неизвесност со голот во 54.минута за 2:3 во тој момент. По црвениот картон на Гери Медел Севиља од 56. минута остана со играч помалку, а тоа го искористи Емануел Игиебор кој на две минути до крајот го постигна третиот гол за Бетис и ги спаси домаќините од пораз.
Двојки за денешните натпревари од 31-от круг во Шпанското фудбалско првенство: Реал Ваљадолид – Хетафе, Леванте – Депортиво Ла Коруња, Еспањол – Валенсија и Малага – Осасуна.
Утре играат: Рајо Ваљекано – Сосиедад, Атлетико Мадрид – Гранада, Сарагоса – Барселона и Атлетик Билбао – Реал Мадрид.
Колото ќе биде комплетирано в понеделник со средбата Мајорка – Селта Виго.
Табела: Барселона 78 бодови, Реал Мадрид 65, Атлетико Мадрид 62, Сосиедад 51, Валенсија 49, Бетис 48, Малага 47,…