Претседателот на Аргентинската фудбалска федерација Клаудио Тапија е убеден дека напаѓачот на Барселона, Лионел Меси, ќе се врати во националниот тим.
По Светското првенство во Русија, напаѓачот на Барселона побара привремено да биде изземен од аргентинскиот селектор.
Кога отидов во Мадрид за финалето на Либертадорес купот, разговаравме со Меси. Тој истакна дека секогаш чувствува желба да игра за Аргентина, за да ги брани боите на својата татковина. Одлуката мора да ја донесе стручниот штаб. Во март ќе имаме натпревари. Ако го поканиме Меси, тој ќе дојде, сигурен сум, истакна Тапија.
Меси нема настап за „гаучосите“ по Мундијалот минатото лето кога неговата репрезентација беше елиминирана од Франција во осминафиналето.