Капитенот на Ливерпул Стивен Џерард изјави дека пласманот на неговиот тим следната сезона ќе зависи од одлуката на Луис Суарез дали ќе остане или ќе го напушти „Енфилд“.
– Во конкуренција на Манчестер Јунајтед, Челзи и Манчестер Сити, тешко е да се обезбеди пласман во големата четворка. За последното место и влез во Лигата на шампионите конкурираме ние, Арсенал и Тотенхем, но дали ќе имаме реални шанси зависи од одлуката на Суарез за неговиот иден ангажман, истакна Џерард.
Тој додаде дека евентуално „губење“ на Уругваецот од тимот ќе значи големо ослабување, а посебно погубно за Ливерпул би било одењето на Суарез во големиот ривал Арсенал.
Капитенот на „црвените“ упати апел до раководството да го задржи уругвајскиот репрезентативец и да направи напор за носење на уште едно до две квалитетни засилувања со што значително би се зголемиле шансите за висок пласман. з