Кошаркарите на Црвена звезда забележаа убедлива победа со 113:65 синоќа на домашен терен против Задар во 16.коло од регионалната АБА лига.
Белграѓани фуриозно го почнаа натпреварот и на полувреме стигнаа до плус 40 (67:27). Разликата по третата четвртина порасна на 56 поени (96:40), но Задар во последните десет минути избегна рекорден пораз на една екипа во ова натпреварување што изнесува 50 поени разлика.
Резултати на шесте завршените средби од 16.коло:
Карпош Соколи – Морнар 75:63,
Будуќност – Мега Лекс 88:80,
Цибона – Партизан 77:82,
МЗТ Скопје Аеродром – Цедевита 79:100,
Црвена звезда – Задар 113:65 и
Олимпија – Игокеа 80:81.
Вечер од 18 часот играат ФМП – Крка.
Табела: Црвена звезда 16-0 (победи-порази), Партизан 13-3, Цедевита 11-5, Будуќност 11-5, Цибона 10-6, Игокеа 9-7, Олимпија 7-9, Задар 6-10, Морнар 5-11, Мега Лекс 5-11, Карпош Соколи 5-11, Крка 5-10, ФМП 4-11 и МЗТ Скопје Аеродром 4-12.