Шпанскиот фудбалер Чави Ернандез денеска изјави дека Кристијано Роналдо не ја заслужи Златната топка, бидејќи тој смета дека неговиот поранешен соиграч од Барселона Лионел е најдобар без конкуренција.
– Златната топка ги вреднува освоените трофеи. Во претходните години тоа не беше, туку најдобриот ја освојуваше наградата. Меси е далеку пред сите и покрај фактот дека друг фудбалер го поенесе признанието, истакна Чави на гостувањето во ТВ3.
Неговите изјави доаѓаат, откако „Франс фудбал“ го прогласи напаѓачот на Реал Мадрид, Роналдо за најдобар во 2016, година кога тој ги освои Лигата на шампионите и Европското првенство.
Роналдо досега има освоено четири Златни топки, една помалку од најуспешниот, Лионел Меси со пет такви признанија.