Голманот на Јувентус Џанлуиџи Буфон денеска изјави дека многу тешко го поднесе поразот во Лигата на шампионите против Реал Мадрид (4:1) и порача дека е убеден дека ќе има уште една шанса да го освои единствениот трофеј кој му недостасува.
Јувентус синоќа го загуби петто финале во низа од вкупно седум, а Буфон третото.
– Имам договор за уште една сезона што значи дека ќе имам шанса и следната година. Точно е дека ќе биде многу потешко. Ние пропуштивме убава можност и многу ми е жал поради тоа, изјави Буфон за Скај Спорт.
Јувентус има шест титули во низа во Серија А надополнети со три трофеи од националниот куп во последните три сезони.