Фудбалерите на Бразил продолжија со очајната игра во квалификациите за СП 2026 година.
Во осмото коло од јужноамериканските квалификации, Бразилците беа поразени на гостувањето кај Парагвај со резултат 1:0, а решавачкиот гол го постигна Диего Гомез во 20. минута од натпреварот.
Ова беше четврти пораз за Бразил во осум натпревари и со само девет бода е на петтото место. Сепак, од местото кое не води на СП имаат само еден бод плус, а веќе навивачите на Кариока стравуваат дека нема да ја видат својата селекција на СП во САД, Канада и Мексико во 2026 година.
Сепак, до крајот на квалификациите има уште десет натпревари и ќе биде вистинско чудо доколку не ги видиме Бразилците на Мундијалот.
Синоќа загуби и репрезентацијата на Аргентина на гостувањето кај Колумбија со резултат 2:1. Тоа беше втор пораз за Аргентина во квалификациите, но се уште е на лидерската позиција.
На другите натпревари беа постигнати следниве резултати: Венецуела – Уругвај 0:0, Еквадор – Перу 1:0, Чиле – Боливија 1:2.