Македонскиот пливач Марко Блажевски претпладнево ќе се појави на стартот во квалификациите на 200 метри мешано на Светското првенство во пливање што се одржува во Барселона.
Блажевски ќе плива во првата од петте групи заедно со десет пливачи. Тој е пријавен на оваа трка со време 2:09.27 минути, резултат испливан на Медитеранските игри во Мерсин што воедно е и негов најдобар резултат во кариерата.
Другите двајца натпреварувачи, Горазд Чепишевски и Анастасија Богдановски ќе пливаат утре во квалификациите.