Шпанскиот фудбалски тренер Пеп Гвардиола се согласи да се пресели во Манчестер Сити на крајот на сезоната каде ќе заработува неверојатни 25 милиони евра годишно, тврди „Билд“.
Како што се наведува во угледниот германски весник се уште актуелниот тренер на Баерн ќе стане најскапо платен шеф на стручниот штаб на една фудбалска екипа.
Клучна личност во овој трансфер е спортскиот директор на премиерлигашот од Манчестер, Чики Бегиристајн, близок пријател на Гвардиола уште од времето кога двајцата соработуваа во Барселона.
Шпанецот минатиот викенд потврди дека на лето ќе го напушти Баерн кога неговиот тригодишен договор со баварскиот клуб ќе истече.
Местото на Гвардиола од следната сезона ќе го заземе Карло Анчелоти.