Првиот дуел од Примера во 2016 година одигран меѓу Еспањол и градскиот ривал Барселона заврши нерешено 0:0.
Домаќинот успеа да одолее на нападите на шампионот кој најголемите шанси за погодок ги имаше преку Лионел Меси и Луис Суарез кој ја погоди рамката на голот.
Барселона останува на врвот на табелата, но веќе вечер може да биде симната од Атлетико Мадрид.
Каталонците имаат и еден заостанат натпревар, оној против Спортинг Хихон, поради нивното учество на Светското клупско првенство.
На другите два денешни дуели играат: Атлетико Мадрид – Леванте и
Малага – Селта.
Двојките за шесте утрешни дуели се: Рајо Ваљекано – Сосиедад, Бетис – Еибар, Гранада – Севиља, Ла Коруња – Виљареал, Атлетик Билбао – Лас Палмас и Валенсија – Реал Мадрид.
Колотo в понеделник вечер ќе го заокружат Спортинг Хихон и Хетафе.
Табела: Барселона 39 бодови, Атлетико Мадрид 38, Реал Мадрид 36, Виљареал 33, Селта 31.