Португалскиот тим Бенфика издаде официјално соопштение со кое ги демантира гласините дека се договориле со Атлетико Мадрид за трансферот на Жоао Феликс.
„Како одговор на вестите од последните неколку часа, Бенфика сака да појасни дека не е точно дека постојат преговори за потенцијален трансфер на играчот Жоао Феликс. Условите на преговорите се јавни, имајќи ја предвид клаузулата за откуп од 120 милиони евра. Она што е уште посериозно и го заслужува нашето најсилно негирање е лажната вест дека преговорите вклучуваат провизија од 30 отсто.
За жал, тоа се рефлектираше во Португалија од страна на весникот „А Бола“, за чии намери и цел воопшто не сме запознаени. Повторуваме: оваа информација е потполно лажна и апсурдна, со цел да ја оцрни репутацијата и честа на Бенфика“, се вели во соопштението.